pîrî neqşibend hemrołe mawa
bo yekê le şêxekanî hemrołe
Li pirtûka:
Dîwanî Mela Ḧesenî Dizɫî
Berhema:
Mela Ḧesenî Dizɫî (1859-1946)
1 Xulek
433 Dîtin
pîrî neqşibend, hemrołe mawa
namey piř camet, welay min yawa
ya xwa nenało, pencew xameket
fereḧ efza bê, feḧway nameket
şekerřêzan bê, ce weşî guftar
xonçewaran bê, çun werzî wehar
fermanit ferman, perê cubre’îl
min bo be hadî û řanma û delîl
ta be siłamet yawwiwe mekan
encam karş, sehil bo asan
seruçemekam, be xatru to
zûbezû karş, encam mewero
gêłowe welat, azîzekey xom!
xeylêwen muştaq, dyay dyey tom
persanit wezi’ û jîwaw yanekem
daxo çenî bo, aw û nanekem
hewraman mawa, qinyat pîşena
dûr ce heyahû, gêre û kêşena
biřyenim tiřu dinyay, walsّlam
zû tełaqim dan, xatmey kelam
sa toyç merdane sê kuçkeş kere!
şehadet bare, wêt řaḧet kere!
tewenî wizmê şonîş dû be dû
her yagê melo, be kê kero şû!
hezaran şukir, hezaran sipas
min necatim bî û gyanim bî xelas!