le baweşî cwanîya
Li pirtûka:
Tirîfey Heɫbest
Berhema:
Şêrko Bêkes (1940-2013)
2 Xulek
1008 Dîtin
demew êwarey xorinşîn
dwa ’umrî payîzî ẍemgîn
hengawî xemî tenyayî
milî pênam be’espayî:
berew cêye ke xamoşîy
dinyay girtibête koşî
berew cêye ke bêdengî
tyaya bijî bo diłtengî
pestî û êwarey xorinşîn
le derûnî mina ejîn.
em dîmenî xorinşîne
lenaw gyanma cênşîne.
pełey hewrî sûrhełgeřaw
be dwa tîşkî xawî hetaw
wekû taray bûkî ladê
řûy naz be asoda enê
dem enête demî cwanî:
lenaw řez û çem û kanî
řîze şaxî dûrî şînkar
temenêkin bo kirdigar.
asmanî ser lûtkey befrîn
wek kejawey bûkî ser zîn
çawî hîwa heł’ehênê
dîwî dinyay dił ebînê.
tak tak dirextî řûtawe
liq nûştawî bo naw awe.
gořistanî girdî ew ber
nîwey hetaw, nîwey sêber.
dûkełî ladêy bin binar
pêç exwa bo gerûy nizar.
le dûr řêbwarî mandûy řê
be leşkiftîy hengaw enê.
baxî nizîk qeraẍî şar
emsałîş wek par û pêrar
wişkubiringî tya dyare
çaweřêy awî behare.
kiławî zerdî xorinşîn
leser lûtkey berz çespîn.
pêçewaney tîşkî hetaw
şikaye naw cogeley aw.
temumjî berî goyje
perjînî doł û řêy lêje.
girdî zor û berzî û nişêw
swarî yek bûn ta serî kêw.
pêdeşt le serincî çawa
zerde be tîşkî řojawa
gełay ałtûn řengî werîw
xizane naw qułayîy şîw.
gûmezî ser girdî yare
wek pîrozey yadgare,
ke le pencey destî yada
birîqe bo jyan eda.
wek řîze piłpiłey zêřîn
takutera yan çîn be çîn
giłopî taze hełgîrsaw
le şara wa dête pêş çaw.
pepûley ser çiłî tenya
be serincî çawî wirya
egeřê bo xoşewîstê
diłî legeła bibestê
le laney xozgeda satê
guławî nawdemî batê
lenaw cwanîy siruşta her
serî aram binête ser
ew dinyayey wek firîşte
mîwanî koşkî beheşte.