her xeyałêkim be sed ceyşî cefa pamał ebê
pênc xiştekî leser şî’rêkî řefîq ḧîlmî
Li pirtûka:
Dîwanî ’Arif ’Urfî
Berhema:
Arif Urfî (1896-1961)
2 Xulek
570 Dîtin
her xeyałêkim be sed ceyşî cefa pamał ebê
ger bibînim nobetê dîdarî dił xoşḧał ebê
małî wêranim řeqîbî ba’îsî îhmal ebê
«marî zułifit nobeçî dewrî ’eqîqî ał ebê
tîrî mujgan pasewanî dewrî çawî kał ebê»
min ke wałey piřtewî şem’î wekû perwane bim
besteyî zincîrî mûy gêsûyî canane bim
çon ebê farẍ le ’eqił û fîkirî bê perwa nebim
«min ke sermestî sefay ew nêrgisî mestane bim
agadarîm key le dawî zułf û daney xał ebê»
ger çemen ḧusinit bibînê şeq le seru û guł eda
’eşqit agir wa le sîney lale û sunbul eda
wextê şaney ’etir’amêzit leser kakoł eda
«naz û ’îşwey diłfirîbanit firîwî dił eda
şekkerî guftarî to bibye mesîḧa lał ebê»
dił witî wextê ke řojî cejnî piř mes’ûdî dî
bê sebeb qet ’îşwe naka serwî qeddî mûqedî
muşkîle wesfî cemałit bête ẍayey serḧedî
«destî e’cazî tebî’et çunke xetme meqsedî
defterî ḧusinit be xetî sewzî lêw îkmal ebê»
muddeye talî’ minî lem karî ’eşqe jêr exist
ta nebûme şahî ’uşşaqan neçûme ser text
xermenî îqbalekey hêname jêr barî bext
«damenî tuřřey perêşanit leser sefḧey řuxt
’uqde bo ḧellî telîsimit ba’îsî eşkal ebê»
řeḧmê bem mecnûne sa ey diłberî saḧîb cemał
şadî dił ka neş’eyî ’eşqit be tiryakî wîsał
sûřetit herdem le şikłê dête ber meddî xeyał
«ḧusnî to mestûre xo yekser be zułf û xet û xał
mułkî îslame be urdûyî feřeng îşẍał ebê»
xo betenya her diłî min gîrewey sewda nîye
kes le daxî to weku em ’aşiqet şeyda nîye
turkî min neqşî cebînî ḧîkmetî yezdanî nîye
«xałekey ser goneket bem řeşîye hêndistanîye
yaxo şehzadey ’ecem mayl be xerqey şał ebê»