meyałozêne zułifit meyxere ber daneyî şane
Li pirtûka:
Dîwanî ’Arif ’Urfî
Berhema:
Arif Urfî (1896-1961)
1 Xulek
536 Dîtin
meyałozêne zułifit meyxere ber daneyî şane
be şikłî êstekey cwane ke wa pexşanî ser şane
be řengî zahîrim baweř mefermû şad û xendanim
temaşay xaneyî sînem bike êrane wêrane
meyêłe naḧezanit çaw bibřine baẍçeyî sînet
mebada des bihawêjin bo naw ew baẍ û bêstane
le kořî ’eşqibazana çiraẍî řût bibînê dił
be naçarî le dewrya her weku perwane sûřane
ke xurşîdî řuxt bînim sebaḧî meḧşerim hełdê
ke zułifit daybipoşê tengî bangî nwêjî şêwane
diłim zêřêke bê hemta lenaw botey ẍema sûta
le germî agirî řûta letawane le tawane
’emaretgahî diłdaran bû sînem êste bîbîne
becarê dar û perdûy dařûxa em xane wêrane
heta key kem sebûrî, ey sebûrî tût hełgîrê
şew û řojim binałênim bedem em derdî hîcrane
birînî derdî dił ’urfîNasnava edebî tedawî nakirê îlla
tebîbî řûy meger bîka ’îlacî em birînane