girdekey seywan mełbendî cwanan
şîwen bo mamosta řefîq ḧîlmî
Li pirtûka:
Dîwanî ’Arif ’Urfî
Berhema:
Arif Urfî (1896-1961)
1 Xulek
521 Dîtin
girdekey seywan mełbendî cwanan
xaney axrî gişt newnemaman
lelat mîwanin le pîr û le cwan
ḧurmetyan bigre be dił û be gyan
ew erxewaney ke lêt řwawe
be awî xwênî ciger têrawe
demê epoşê řengêkî sûrî
demê be sewzî tara egořî
axrî taray zerdî epoşî
şerabî xwênî ciger enoşî
řengî sûr gonay newcewanane
sewzî nîşaney te’zyedarane
řengî zerdîyeket payîz nîşane
le dûrî azîz gełařêzane
geła zerdeket lêy heł’ewerê
le xwênî diłe peřey cigerê
dîsan bey fełek çerxî bêwefa
xecałetbarî baregay xuda
yarê le yarê dûr exeytewe
birînî kone taze keytewe
çerxî nabekar her ẍezeb bênê
nawdarê ledes kurdan bisênê
qełem dexîltim xêra azane
mêjûy wefatî ḧîlmî bizane
qełem hate cwab be qułpî giryan
be pîtî ebced hênaye meydan
be lawanewe be lay layewe
mêjûy wefatî wa hênayewe
yarî bawefay gyanî gyanîm řo
kurdî newciwanî kurdistanîm řo