cejnî dû cejne
Li pirtûka:
Dîwanî Kakey Felaḧ
Berhema:
Kakey Felaḧ (1928-1990)
3 Xulek
547 Dîtin
legeł dwa koçî řojanî tofî çiley zistana
gułê hate der, gułî řojî nwê, le kurdistana
hewrî meynetî le řûy asmanî kurd řewayewe
be bonî xoşî, mijdey newrozî eşnayewe
legeł derçûnî giznigî xorî demew behara
le kêwî xwên û firmêsk û nirke û nałe û hawara
sehoł bendanî kuştarî sext û şeř tuwayewe
gułałe sûrey aştî û birayî wa geşayewe
wa legeł bizey lêwî naskî xunçe û çiroda
tîşkî pîrozî řojê hate der ledem asoda
le baxçey her wek beheştî cwan û xoşî wiłata
gułî awatî kird beser singî řołey xebata
legeł hatnî newrozî tazey sałî ḧeftada
meşxełî cejnî dû cejne leser lutkey çyada
hezaran hezar zistanî matem piştî şikawe
berz ebêtewe û şad eka gyanî şořşî kawe
legeł şebeqî řojî bê şewî yanzey azara
kam birîn? ewey ekulayewe le xwêy azara
hezaran hezar birînî nasor derûn sařêj bû
kam azar? ewey şewgarî nałey dur û dirêj bû
legeł werînî şewnimî liq û popî direxta
wişk bû nema boy derçû legeł şewgarî sexta
firmêskî çawî pîredaykî taqane kujraw
her ke dî emsał wa hatote ber nemamî nêjraw
legeł cirîwey pole çolekey demew beyana
zerdexeney lêw serkewt beser qułpî giryana
henîskî germî saway bê nazî bê bawik nema
şepolî hêzî řûnakîş beser şewî matema
mijde bê le to ey xwênî ałî cwane mergekan!
be fîřo neçûy bext kirawî řêy becergekan!
ke wa lapeřey dastanî mêjû be to nûsrawe
pîtî pîrozî «newroz û şadî» be to nexşawe
mijde bê le to ey gyanî kawey ejdehak şikên!
ałay şanazî û cejnî newrozî be şemał şekên
biłêse û giřî agirekey to meşxełî berze
deng edatewe le hemû şwênê, leser em erze
mijde bê le to ey gyanî berzî şa’îranî kurd!
hate dî xozge û xewtan be řojî şadmanî kurd
ewaney girêy qursî kifnitan pejare û xem bû
berubûy towî bîrî řoşnitan cejnî berhem bû
cejnî newroz û aştî û birayî û yekêtî gele
řojî hełoye û hajey bałekey, nek qîřey qele
şayî mîllete û şîwenî destey dujminî napak
řojî kaweye, nek ehrîmen û newey ejdehak
bew mercey ke wa karwanî xebat zor be wiryayî
ta ser be xoşî û be pêşkewtin û be diłnyayî
serkewê beser qorit û tegerey řîy serkewtina
hengaw hełênê beser serdił û cergî dujmina