pêşekî

em pertûkey berdestan berhemî dû komełe têbînî benirxî dû pispořî bêganen ke yekemyan zana û entirupołojsitî cîhanî be nawbang «hênrî fîłd»e û duwemîşyan «î. cey. ař»e ke lêpirsirawêkî îngilîzî giring buwe le ’êraq paşî dagîr kirdinî le layen îngilîzekan û awabûnî řojî împiryalîzmî ’usmanîyekan lem nîştimane û têkřay nawçekey girte dest le seretay em sedeye. giringî em pertûke lewedaye ke basî komełe xêłêkî kurd dekat ke nawyan le hîç serçaweyekî tirda nehatuwe. em řastîyeş eweman bo saẍ dekatewe ke «fîłd»y zana le ber çen hoyekî zansityane û «î. cey. ař»y lêpirsiraw leber çen hoyekî taybet be îngilîze dagîrkerekan û berjewendîyekanyanewe le nawçeke, em dû pispoře twanîwyane her yeke be gwêrey twanay xoy û ew helaney boyan řexsabû gelê şitî benirx ko bikenewe lebarey xêłekanî kurdewarî û şwênewarekanyanewe. serbarî emeş barî abûrî û twanay serbazî û giringî nawçekeyan le řûy îstiratîjyewe dexene ber tîşk. cige le nawhênan û nasandinî pyawe gewrekanyan ew şitaney basman kirdin zyatir peywendyan be têbînîyekanî «î. cey. ař»ewe heye ke lem pertûkeda cêgeyan botewe serbarî têbînîyekanî hênrî fîłd ke ewîş beş be ḧałî xoy komełî têbînî zansityaney dîkey lem pertûkeda xistote ber destî xwênerî beřêzman ke nek her tenha nutin sebaret be خۆێنەری kurd û kitêbxaney kurdyewe bełkû zyatrîş gelê lew gîr û girifte entiropolojyaneman bo řûn dekenewe le barey komełgakanî kurdewarî û nejadî kurdewe le ber řoşnayî zanist û mêjuwewe.

lewaneye be lay hêndê kes lem serdemeda seyr bê pertûkêkî awahî be çap bigat ke basî hoz û hozayetî bikat le dwa çarekî sedey bîstemda. çunke em babetane emřo be şitêkî ser be řaburdû dedrête qełem eger be şitêkî dwakewtû danenrê bełam wełamî min bo ew core kesane eweye ke êmey kurd her debê wek mîlletanî tir liq û pokanî xoman bigêřînewe ser bincî řesenî xoyan. eme tenha mebestî mine le wergêřan û amade kirdinî em pertûke. şayenî base têbînîyekanî kitêbekey fîłd zyatir ew hozane degrêtewe ke be şêwey kirmancî xwarû û luřî axaftin deken û ewaney «î. cey. ar» basî ew hozane eken ke be şêwey kirmancî serû qise deken.

zorbey em têbînîyane degeřênewe bo dwa sałanî sedey 19hem û înca 20em, ca eger perawêzêkî zor lem kitêbeda nebêt, ewe leber eweye ke em têbînîyane xoyan le xoyanda be taybetî ewaney fîłd, perawêzî kitêbe benirxekey fîłdin ke le jêr nawwinîşanî «entiropolojyay êran»e û le sîyekanda be çap geyştuwe.