birakan, werne seyran wa behare
Li pirtûka:
Dîwanî Racî
Berhema:
Racî (1912-1969)
2 Xulek
186 Dîtin
birakan, werne seyran wa behare
şiney baweş, kizey cerg û demare
neşey pişkûtnî sed lêw û zare
zemawend û girîşmey gya û dare
le kurdistanî şîrînda dyare
le layê hewł û hoy kuř têkeławe
le layê beyn û best û çaw û řawe
le layê bezim û řezim û, bend û bawe
be her lada eřoy, her taf û tawe
le kurdistanî şîrînda dyare
demê sozey seru, sewzey liq û çił
demê lencey qed û, pencey guł û mił
demê pirşey geła wu, mirşeyî pił
demê wirşey henaw û, dûkełî dił
le kurdistanî şîrînda dyare
çiraxaney şewî bezmî gelawêj
buwe sêrey esêrey kurdî ça bêj
be serd û germî her meḧlêke řawêj
dewařêj û, hewaçêj û, temanêj
le kurdistanî şîrînda dyare
çirîskey ko û terazû û ḧewtewane
tirîskey muşterî û zuhre û kewane
le çexmey berx û şîr û guł řewane
ewaney bo gelawêjin şewane
le kurdistanî şîrînda dyare
le sîweyla nema tawî kilkidar
çizûy dûbşike řiştî gumgumey jar
dewulk û masîy û, qiřjał û gabar
be pêwe ya beřêwe, mest û bîmar
le kurdistanî şîrînda dyare
tikatan lê ekem şêranî şerze
leserda werne xwarê, çeşnî terze
jyanî nîştiman, er pest û berze
ewey saẍ û şepirzen, lem dû werze
kurdistanî şîrînda dyare
hełałe û sitik û řeyḧane sepane
demî şêr û piłîng û lûtewane
çeqîle û mord û mêlaq û nîsane
le çaw û řûy beheştî men nîşane
le kurdistanî şîrînda dyare
diłopey çawî řacîNasnava edebî, lalezare
le řengawřengî sara, ẍem gusare
gułe û herwa leser qelẍet sware
hemû her kîmîyayî kirdigare
le kurdistanî şîrînda dyare