carîye awî çawî min, dîcle be dîcle, co be co
Li pirtûka:
Dîwanî Racî
Berhema:
Racî (1912-1969)
1 Xulek
196 Dîtin
carîye awî çawî min, dîcle be dîcle, co be co
bendî diłî şikawî min, giştî pisawe lo be lo
can be hewayî ser deçê, bo qedî xoş kemer deçê
bê dił û bê ciger deçê, gerçî geřawe ko be ko
sunbulî zułfî hate řû, ejdere kewte hatuçû
me’denî girt û zû bezû, ḧelqeyî dawe ho be ho
merhemî lêwî şekere, em diłe ta quř besere
piř xefet û bê mefere, her kefî xawe şo be şo
ger desełatî diłberim, bê le lebanî dulberim
destî lemil ekem serim, bête cefawe go be go
canî ’ezîzekem eto, memkuje besîye custuco
nermîye karî giftugo, şeř çîye? dawe xo be xo
xatrî řacîNasnava edebî bike cem, camî lebanî bixe dem
çîke le destî mebe řem, kawe be kawe, po be po