diłim sûta be carê, çilçiray ser kułmekey heł bû
Li pirtûka:
Dîwanî Racî
Berhema:
Racî (1912-1969)
1 Xulek
96 Dîtin
diłim sûta be carê, çilçiray ser kułmekey heł bû
be dem şamarî egrîcey, şil û kul, nêrgisî cadû
çi xusrew kewte xaney ’îşqewe? şîrîn diłî hêna
çi ferhadî qewî peyker, qułîngî kewte ser derçû
ełêm: ey newnemamî taze çanrawî xeramanim
bide maçê, ełê: kafir biřo lêre meweste tû
bedem sirwey seba, gułşen be sêsed encumen xemłî
desa ey bulbulî dił, toş byabanî weku kûkû
serapa hełqeyî zułfî le mil hałan du, diłmî girt
witî: em core řeftare nimûney kare, sa fermû
le jêr em sayebaney perçeme, wa řojî nîwřoye
fîday řoj û şewî to bim, syaxałey kewan ebrû
ewa pîşa le agirxaneyî ’îşqa, diłî pişkoNasnava edebî
be camê bêre hanay, saqya! ya tarekey gêsû