seyrî lebanî xunçe ken, be řûyî eşkibarewe
Li pirtûka:
Dîwanî Racî
Berhema:
Racî (1912-1969)
2 Xulek
97 Dîtin
seyrî lebanî xunçe ken, be řûyî eşkibarewe
seyrî demaẍî guł biken, be çawî î’tîzarewe
fesłî sefayî nêrgise, le mêrg û awezarewe
çawî sipî be der’exa, be zerdexendey parewe
seyrî çya û çołî min, kurdîy nîşan eda be to
be sêw û bêw û xarewe, le sun’î kirdigarewe
le gencî kuncî meykede, saqî ke dête meykeşîy
be nirxî mîllyet eçê, be burcî piř nîgarewe
kişawe terḧî tac û peř, le maçî le’il û noşî deř
be xedid û xetit û xałewe, be řewneqî ’uzarewe
neqdî beheşte gułşenim, řengîn lîwaye nîştenim
sayey humaye her teref, le nawe ya kenarewe
newřeste mord û sewsene, şimşad û kac û mozene
her yek be sozê dête řû, be sazî î’tîbarewe
heryek le ’aşiqanî mey, be bezmî cam û tacî key
be terzî muntezem eçin, be pîrî îşukarewe
weten periste mîlletim, le řewt û zewtî sen’etim
hemû xerîkî firsetin, le řûyî karzarewe
mey, nawî îttîfaqîye, sen’et nîzamî saqîye
zułfî be xem nîfaqîye, leser hetaku xwarewe
def, şewqî piř nejadîye, ney, bangî ’edil û şadîye
şahîd be merdî dête ser jyan û îxtyarewe
diłber ke şahî ’adłe, kamî lebî dił ḧasłe
be çawî piř xumarewe, be tîẍî awdarewe
xułase mîllet çîmene, wişkî û teřî le damene
be neş’ey lalezarewe, be xak û aw û darewe
le bextî sextî bê kesî, le tewqî ’ewqî muflîsî
naye be řûyî kar, yar, be dest û cam û yarewe
ḧasîł, witarî řacîNasnava edebîye, netîce îndiracîye
le hat û qat û zarewe, le qelb û can û zarewe