zelîle dił leber hîcranit, ey yar
Li pirtûka:
Dîwanî Racî
Berhema:
Racî (1912-1969)
1 Xulek
94 Dîtin
zelîle dił leber hîcranit, ey yar
tenim kewtote ber tałanit, ey yar
eger carê be ’îşwem tê efkirî
ebey řoḧim le bo bustanit, ey yar
cemałit şeyde, min her şew le daxî
denałim, nageme tabanit ey yar
nîye ḧeddim, be baxî lale û guł
le kułme û zułfekey lerzanit, ey yar
le řêgey ḧeccî wesiłit, bê qerarim
dił û řoḧ û ciger qurbanit, ey yar
’ecûl û, bê şekîb û, derdimendim
be dîdey nêrgisî fettanit, ey yar
le xasey şahzadey «şehrezûr» bûm
emêste xadîmî ẍîlmanit, ey yar
nebû carê le jêr çewganî zułifit
nebînim dił le naw meydanit, ey yar
tełebkarî şerabî çawe řacîNasnava edebî
mezey maçêkî dû lêwanit, ey yar