civîn

le civînî êwareyekî baxanda
dirextêkyan ke qisey kird,
şanazîy zor kird bewewe
ke «kemançe» kuřî ewe.
le civînî beyanîyanî çend gomêkda
ke gomêkyan kewte qise
şanazîy zor kird bewewe
ke beriztirîn tavge kiçî ewe!
le civînî lêřewarî dołêkîşda
nîweřoyek, wextê qamîş kewte qise
şanazîy zor kird bewewe
ke şimşałîş newey ewe.
le civînî zor nehênî çend girdêkda
ke wextê gił kewte qise
şanazîy zor kird bewewe
ke cwantirîn goze awîş kiçî ewe
le civînî zor bepeley
şaxe berdîneşda, şaxê
ke norey peyvînî ew hat
şanazîy zor kird bewewe
ke meřmeřîş kiçî ewe.
le civînî na’asayî şewêkîşda
ke gundekanî kurdistan kobûnewe
wextê «xakuxoł» qisey kird
şanazîy zor kird bewewe
ke wa «nal kuřî ewe!