yadim biken
Li pirtûka:
Tarîk û Řûn
Berhema:
Hêmin (1921-1986)
1 Xulek
3363 Dîtin
lew demeyda pyałe dedrên le pyałe
lew demeyda lêwtan bebade ałe
lew demeyda kořî şadî debestin
lew demeyda serxoş û mestî mestin
lew demeyda ke degirin baz û derwan
lew demeyda des degêřn le berwan
lew demeyda des le bejnan werdênin
lew demeyda berkoje detrazênin
lew demeyda geřî řeşbełek germe
lew demeyda dekuşin kam pence nerme
lew demeyda do dekewne xořanan
lew demeyda ke dekuşin gułmey řanan
lew demeyda tamezron le cêjwanan
lew demeyda bexowe dekuşin cwanan
lew demeyda giř degrê meyl û tase
lew demeyda têk hełdengun henase
lew demeyda ke demjin şekire lêwan
lew demeyda nebê lemper û nêwan
lew demeyda polî bêryan řadebirin
lew demeyda kîj çawtan lê dadegirin
lew demeyda gwê hełdexen bo tarê
lew demeyda «mamlê» dełê qetarê
yadim biken, yadî minî dûr wiłat
yadî minî řêbwarî řêgay xebat
yadî minî bê beş le xoşî û şadî
yadî minî sewdaserî azadî