newrozî řizgarî
Li pirtûka:
Tarîk û Řûn
Berhema:
Hêmin (1921-1986)
2 Xulek
2704 Dîtin
be bergî sewze řazawe qed û lapał û şîw û doł
çiroy derkirduwe dar û milî da yektirî gyawgoł
beser befrî kewîda kird şemałî xakelêwe xoł
řefîqan řojî kurdane behare cêjnî newroze
bedił lêtan dekem lew řojeda min cêjne pîroze
çiley zistanî naxoş bû tezûy sermaye pyawî siř
dekird û kûçe û kołan le befir û lîte bûbûn piř
behar hat û dexemłê kêw û deşt û benden û laxiř
řefîqan řojî kurdane, behare, cêjnî newroze
bedił lêtan dekem lew řojeda min cêjne pîroze
besozey bay beyan lêwî kirawe xunçeyî xendan
leser çił bilbilî şeyda le xoşî guł dełê bendan
becê hat arezûy lawan û germe kořî gowendan
řefîqan řojî kurdane, behare cêjnî newroze
bedił lêtan dekem lew řojeda min cêjne pîroze
le xoy dawe berełbêne kiçî kabanî gerdin kêl
benaz û ẍemze deřwanê, deka şînkey nerim pêşêl
legeł bonî wenewşe têkeławin bonî ’etir û hêl
řefîqan řojî kurdane, behare, cêjnî newroze
bedił lêtan dekem lew řojeda min cêjne pîroze
serî kwêstanî berzî kurdewarî têy nekewtuwe xał
le deşt û berpesaran hełdirawin çadir û řeşmał
neman bêgane takû cêjneman lê tał bika ewsał
řefîqan řojî kurdane, behare cêjnî newroze
bedił lêtan dekem lew řojeda min cêjne pîroze
ḧesawe pyawî řûtuqût û bê enwa û bê îrû
jyawe gyanleber dîsan, le kun hate derê mêrû
leser gwêswane dexwênin bepol pasarî û sêrû
řefîqan řojî kurdane, behare, cêjnî newroze
bedił lêtan dekem lew řojeda min cêjne pîroze
le dinyada keme hawtay beharî cwanî kurdistan
ewîş ewsał ke layêkî necatî bû lejêr destan
le xoşî ew wiłate şa’îrîş bote hezar destan
řefîqan řojî kurdane, behare, cêjnî newroze
bedił lêtan dekem lew řojeda min cêjne pîroze