dir byan ançih dir sal şişim az nibut, ḧimzih bin ’ibdalimtilb û ’imir bin xitab rizî alilh ’inhima misliman şidind. awil aslam ḧizirit ḧimze
Li pirtûka:
Rewzetul Sefa
Berhema:
Mîrza Ebdilqadirê Paweyî (1850-1910)
4 Xulek
257 Dîtin
çûn yek řo ḧezret şay «xîr al’enamErebî»
«’ilîh û alh silwat û alsilamErebî»
şa swar ’erş lamekan tey kerd
nemam şadî duşmenan pey kerd
ḧebîb ḧezret dehnidey dawer
řîşey muşrêkan ce xak berawer
salar meḧşer řoy «dar alqirarErebî»
emîn dîwan mustefay muxtar
ce dest muşrêk ewqatiş tał bî
mayl we seḧra û bêzar ce mał bî
teşrîf berd we beyn xof û řicawe
be meḧzûn pişt da we koy sefawe
naga ebûcehil «’ilîة alli’inة»
peyda bî cew dem pey tîr û te’ne
çendê bê ca wat çend cesaret kerd
çend kerdey baboy le’în wêş werd
xeylê ew seg zad çûn seg gefa lêş
ḧezret xicił mend ce bê kesî wêş
çûn bed guftarî dûr bê ce zatiş
mutłeqen nekerd hîç mekafatiş
ẍerez, ebûcehil gumřay bed etwar
dya ke ḧezret nama we guftar
çûn řesim ḧezret her siř poşî bê
cwab eblehan hem xamoşî bê
le’în gêławe çûn seg ce dawa
ta ke be meclês qureyş hem yawa
cewdem yek ’ewret çûn mah taban
meşhûr be kenîz «’ibdalilh ciz’anErebî»
giftugoy bûcehil gumřay bê wefa
yeka yek şineft ce bałay sefa
cew demda ḧemze şêrî sengîn sam
’emûy mukeřem şay «xîr al’enamErebî»
ce şikargay wêş murac’et kerd
teşrîf we tewaf «ki’bة alilhErebî» berd
selaḧ řoy ceng poşabê be daw
koy xara mebî ce samş we aw
kenîz şî we laş we dił nakamî
watiş ey emîr namdar namî
perê muḧemmed cergim medo coş
ẍusey dinyam gişt byen feramoş
aro ebûcehil karê pêş kerden
yanî hay ce ḧed ḧesab wiyerden
dił řêze řêze derûn xaş xaşim
be xuđa ḧeyf sed ḧeyf pey benî haşim
ce dewran dûn yend bê ẍîret ban
zîr dest merdum edna û ewset ban
ḧemze êđ şineft sya bî ce qar
řû kerd we meclês tayfey kuffar
dest berd ew keman dûḧaçey sengîn
daş we fewq ferq ebûcehil kîn
nekerdiş endêş cew fîlan mest
we yek zerb ferqiş ne hefit ca şikest
watiş to bê ca û ẍełet kerdenî
nam birazay bende berdenî
min henî tesdîq dîn ew darûn
henî xuđay ew we çem međarûn
eger to merdî min ham neberdim
bew tewre kerûn îse pêt kerdim
cew dima ḧezret ḧemzey namwer
hem şî we xidmet şay «xîr albişirErebî»
wat ya muḧemmed aro mamoy to
ḧeq toş senden ce ’edûy beđxo
ḧezret watiş min bê kes mewyarûn
ne pider ne ’em ne êxwan darûn
beẍeyr ce me’bûd «rib al’almînErebî»
min kesim nyen ce řûy serzemîn
ḧezret ḧemze wat min ’ehdim besten
ferq bûcehilim pey to şikesten
bizan be teḧqîq serim ha ne řêt
çi şah ta geda çêwê waçan pêt
her take zêndem piştîban tom
ce nam aweran ḧeq sitan tom
ḧezret wat ḧemze ewind meder laf
ce mekkey şerîf her ta we koy qaf
muşrêkan yekser gişt qetił ’am key
ḧebeş û qureyş yehûd û şam key
madamen îman be danay dawer
nawerî el’an be xuđay ekber
to her ew swar min ew pyadem
ne to ’em ne min berader zadem
ḧemze qewł ew be dił kerd qebûł
îmanş awerd be xuđa û řesûł
ḧezret ce şadî fereḧ yawa pêş
bîn we ham xeyał çenî mamoy wêş
seḧaban we zewq tekbîr wanaşan
qebîley qureyş yekser zanaşan
watin muḧemmed qewî bî dînş
ew baẍen ḧemze bî be perçînş
ew gułen ḧemze ne dewirş xaren
dînş meḧfûzen wêş berqeraren
ce ḧemze xeylê sitayş kerdin
nam ḧezret hîç we bed neberdin