bangewazî pencere

tewjim û tîn egeřa
egeřa nutfedanî pencerekan
we małî bê zig û za
piř ebû
le towî behar
şine hemîşe wekû
wîrdî zarî pencere bû
ebû be serbendê
le qapî sewzî zemenda
dûpat ekirawe
minîş diłim pişkût
bełênî de’wetî řengînî pencerey takî
berew beharim da
leber beyanî weha
xoşewîst û mitfeřka
ke kolkezêřîne
ebû be meqte’î şî’rî
dirêjî barane
we piř be pêstî leşim
ḧulûlî gyanî
tebî’et bû
desim
le çeşnî şînke le xakî
beharî pak eřwa
we ’etrî zarî kiçî pêwe
xakî macûmî
minîş be seci’ û heway
şepolî çome ełêm
şî’ir û ba û balorem
we ba be soze be nermî
xerîke lawje egêřê
be şî’rî parawim
we îmanim
pitew ebê be sefay
gewremałî pencerekan
le herçî însane
egêřmewe
be hemû bangewazî destî biławim
demêkî bû diłî min
piř be pêstî tenyayî
şepoř û şînî egêřa
demêkî wa dadê
be herçî wa le wizey sewzî pencereda
diłî betasey min
xerîke pê’ekenê.