rwanh nimudin xisru şapur ra bih armin bih cihit şîrîn
Li pirtûka:
Şîrîn û Xusrew
Berhema:
Xanayê Qubadî (1704-1778)
3 Xulek
384 Dîtin
munşîy înşay şerḧ eyşîrîn name
bey tewr be xamey mîşkîn şemame
kêşa ketîbey ey terḧ qend bêz
şeyda bî ce ’eşq şîrîn û şewdêz
wateş hey şapûr cîhan gerdîde
danay mû şikaf suxen sencîde
ḧerift gişt merbût, watet sencîden
pesendîdey to gişt pesendîden
ḧeq ’eqił û danş perêt kyasten
herçî ke watit bê diro řasten
’eceb ahîrê westî ne cergim
sakin nimebo ta be řûy mergim
ye çi wesfê bê to pey min kerdî
bê mirwet, taqet twanam berdî
ya be cestey qeys pey leyla sersam
’eqił û hoş çun bad gurêza ce lam
yanet wêran bo, wêran bî yanem
’eqiłim şî ce dest, kerdî dêwanem
sa ke çun wey tewr zamim bî karî
çêş mebo ce řay xizmet guzarî
subukter ce bad subxêz xuten
bişî we pay text şîrîn ermen
îzhar key ce laş řestaxêz min
dûdî henasey deycûr bêz min
waçî xusrewê daray derya dił
newey newşîrwan padşay ’adił
ye çendê wexten wesifit şineften
ce şahî û ce text xusrewî keftin
wexten çun mecnûn řîsway zemane
bişo be çołda bibo dêwane
er çun usturlab mom ḧerfiş nermen
pey nexçîr çun baz xoş xû û sergermen
bikyane be dew çun bad sub xêz
namey fereḧbexiş muştaqî amêz
wer ce tałey min mobetiş serden
çun morey neřřad daym keç gerden
baz hem be te’cîl řo meker be şew
bawere perêm zû hewał ew
sa ke êd şineft şapûr ce perwêz
tûtîy zuban kerd wey tewr şeker řêz
watiş hey xusrew danay saḧêb fam
cemşîd cem bezim nadîrey eyyam
dinya ta benden ne gaw û mahî
mumtaz bî be text be tac şahî
xatirit, newab řefî’ eşref
şehzadey şeş dang, mewc mîna kef
pey ew perîzad peyker perî sam
cem bo, tewfîq «ḧey layenamErebî»
er bişo we pişt qesir qulley qaf
mawerûş we ber bê diro û gezaf
şerit bo ta şîrîn ne mułk ermen
nawerûş we şar pey to bey weten
ladê, direngê, negêrûm aram
nenîşû řaḧet ne ’ersey eyyam
êd wat wisucdey text şahî berd
ser çak daman ew be lada kerd
řûş kerd ne êłax ermen, şyaban
wadî bewadî tey ker byaban
ce ’erz yek mah weten be weten
tey kerd ta yawa be mułk ermen
sa yawa bew mułk řewzey beheşt bo
dîş gułşen gułşen gul ne sara ko
be řeng xîtmî, çîhrey çînî
berden ce řewzey řîzwan řengînî
her ce xuřem ko ta seray beẍda
neqiş guł keften çun tuřey tuẍra
nepay xuřem ko deyrê ’eceb tewr
têda sakin bîn çend keşîş gewr
şapûr şî ne deyr e lay kuhen sał
mîhan bî çoge be řesim ’ebdał