turk turmepoş
Li pirtûka:
Komele Şîrî Feqê Qadirî Hemewend
Berhema:
Feqê Qadrî Hemewend (1830-1890)
2 Xulek
423 Dîtin
turk turmepoş .. turk turmepoş ..
teřlan tewaw turk turmepoş ..
guł endam çîn, fîtney wey firoş
çenît şa behram kerd we nimed poş?
îstîẍnay celay ḧusinit bî hamûn
nimanay şewket cîlwe be gerdûn
dyay teswîrit çend kes kerden tûn
çend şahan ne text şahî řehnimûn
şerarey şîddet ḧusinit bider coş
çenît şa behram kerd we nimedpoş?
ne qedit řewneq zîb û zêwer der
qyam we qamet tûl ’er’er der
we naz şewq ne řûy şems xawer ber
xeram we xerac xezney qeyser ker
pêşanît çun cam cemşîd mido soş
çenît şa behram kerd we nimedpoş?
qurs cebînit muje kerd qeder
řeşḧe wist be cerg behram kîşwer
nezir bałat bî her şeş birader
te’rîfit ’îfrît ne ça kerd zeber
ne xak xara esed bî xamoş
çenît şa behram kerd we nimedpoş?
aşûbit şîwen wist ne qafłe
ḧût kerdî be qût mewday me’bele
bê dar pey to çîn wist ne welwele
can da be canan bisirnî kileTeksta ne aşkira
noşa mezey mewt ce meylit kerd noş
çenît şa behram kerd we nimedpoş?
muhendîs řût ne sîm dewłet
çînit fexir çîn pey behram sewlet
ce taq mezaq mecme’ey ’uşret
be aheng û ’eyş behram kerd de’wet
nimedpoş ce tab mehtabît medhoş
çenît şa behram kerd we nimedpoş?
ya şa her şexsê wey tewr ḧesna bo
me’lûm ’umûm e’la û edna bo
wêney guł endam çîn ře’na bo
enguşt numay wesif pîr û buřna bo
her mano be şad turk turmepoş
çenît feqêNasnava edebî kerd be şay nimedpoş?