giftar dir nitiq ḧizirit aluhît pinahî ﷻ
Li pirtûka:
Komele Şîrî Feqê Qadirî Hemewend
Berhema:
Feqê Qadrî Hemewend (1830-1890)
1 Xulek
236 Dîtin
meyo yek nîda ce ḧezret řeb
ey ’îbad ce min henî ken tełeb
’erzişan êden xecałet barîm,
mer ce êd xaster çi tełeb darîm?!
zat yegane be sewt qudret
sadîr meko emir be ehil cennet
kê bî ce dunya meḧelil îşkal
hem ce ew kesan êwe ken su’al
ewsa ’ulema maweran be yad,
terîq su’al cêş meken guşad
’ulema maçan ce dar dunya
ḧeq we’deş bexşan be î’tay lîqa
tełeb ken ce zat ḧeyyî «zwalcilalErebî»
îḧsan mekero tecellay cemal
ewsa her kesê meyo be du’a:
we’d to ḧeqqen, binmane lîqa
ḧeq be lutif wêş menmano cemal
ne zewq cemal şewq meyo be ḧał
wey tewr şewq ’îşq meyo be xuroş
za’îqey cennet meken feramoş
yek hefte ce şewq kul meban ḧeyran,
yewm heştemîn meban nîgeran
xolase ne zerf her hefte yek řoz
’alem be cemal ḧeq meban feyroz
ne cay zyafet cemalen în’am
’alem ne surûr cemal şadkam