dir zim dinya gwîd

Li pirtûka:
Komele Şîrî Feqê Qadirî Hemewend
Berhema:
Feqê Qadrî Hemewend (1830-1890)
 4 Xulek  426 Dîtin
derwêş to ne zułim dinya biker dad
ne bê wefayîş wepa ker feryad
teḧqîqen ce to kirdey eḧwałş
pey çêş ẍerîqî, to ne xeyałş?
zahîrş behar, betinş tabistan
lutfiş payz û qehirş zimistan
mehtab çîhreş ne toy deycûren
zuḧay wîsalş heway kafûren
meraqen beheşt wesiłş ne ’alem
’alem ne wesiłş yasen çun adem
her kes be wesiłş çîhre kerd xendan
newḧe û giryeşen ne ’eyn tofan
mencenîq mewt bexşa be xelîl
eyîwban be kirim memat kerd zelîl
peşşey ecelş bexşa be nemrûdKes
berbad kerd şahîy çend ’adNava taybet û semûdNava taybet
koh keyûmerzKes, luhrasbKes, daraKes
wêney menûçehirKes, keyKes kerd be sara
cumcumey kelley keyan kerd be xak
betał kerd kîsra û peşengKes û zeḧḧakKes
kam guştasbKes bî text nebî çun behmenKes
kam řustemKes ne çah şuẍal nebî ben?!
çend esfendyarKes çun şay keyqubadKes
textişan çun şay newzeřKes da we bad
cam çend cemşîdKes cem kerd xaksiter
şikest şîşey şem’ şahîy eskender
çend mûsaKes ne tûrCih ḧeyat tefrîq kerd
fîr’ewnan ne beḧir zîllet ẍerîq kerd
genc çend qarûnKes firoberd be xak
mesîḧ yawna be çerx eflak
asyab bext kam efrasyabKes
ne bazîçey dehir ẍerq nebî be ab?
sa kam qehreman çun behramKes goř
xaw nekerd ne toy ełḧed seray goř?
çendîn pehlewan piř zor û samdar
wêney feramerzKes mat bîn ne ser dar
zu yaney zułimş îdrîsKes kerd fîrar
nebî zekeryaş şeq kerd be mişar
çend dawudKes bê sewt neẍmey zebûr kerd
çend suleymanş çun mûr bê zûr kerd
ye ew ẍeddaren êrec kerd meẍdûr
gum bî ne seḧraş supay selim û tûr
zîbiḧ syaweḧiş baweran be yad
henî dił be meyl dinya meken şad
demawend dehir mat kerd keyxusrew
tûsiş esîr kerd, şîde kerd ne xew
seyr ken ne efkar zemaney efsûn
kam bextenesreş nekerd wajegûn
beheşt wesiłş meraq kerd şeddad
mewt meraq kerd ne qapîy murad
her ew ẍeddaren çerx etłes gûn
kûs ce kawis send, tac ne fereydûn
’edił newşîrwan kîsrewî nejad
daney xermeney şahîş da we bad
çend şah çun hurimz, ba tac û efser
wêney qewm lût, ne text kerd zeber
xusrewan ne bezim şîrîn meẍrûr kerd
be şêroy ecel yek yek meqhûr kerd
çend ḧatem be zor bazûy pehlewî
cewanmerdîşan ne ’am kerd tehî
çend newfel çun qeys be leyl mecnûn kerd
çend kohken gułgûn pay bêstûn kerd
medîney ’ulûm xetim enbya
neqił mekan kerd pey «ki’es alufaErebî»
lef kerd ’edałet ’umir ’umerî
bê «zwalifqarErebî» kerd bazûy ḧeyderî
her ew ejdehan ’ecûzey fîten
mesmûm kerd sîddîq û îmam ḧesen
to ew załmî, hey yezîd şûm!
ne kerb û belat ḧuseyn bî mezłûm
kêt nekerd hîlak be şêrpencey mewt
mewt zî ḧeyat kêt nawerd ne sewt
çend mehřûy nazk qesir bilûrî
mestûr bîn ne xak syay deycûrî
ney dêwcamey dehir seyyad gerdûn
be tîr qeder yaran kerd nigûn
xatîmey kam ’eyş ser neda be şîn
kê bî seng serd nekerd we balîn
derwêşNasnava edebî to ne ḧub dinya esîrî
wey tewr muqeyyed dam tezwîrî
to ba piderkuş wêt kerdî saziş
«da’im alawqatErebî» mekêşay naziş
germ bî meylit bey dinyay piř şor
ẍafił bît ne «kil mixtal fixurErebî»
nezanay her kes pêş kerd îftîxar
be axir çun to zelîl mebo, xwar
ha îste ce to darûn îltîmas
henî meker meyl mehřûy bed esas
nadîm ber ne fî’il mazî hey şeqî!
te’lîm ker kirdey merd mutteqî
aman ce řesûl ḧedîs be eqwal
«latsibu aldihir antim ya ricalErebî
ce zemim dinya henî menyer gam
xetim suxen ker baqî «walsilamErebî»