xamey serawêz ne çay syayî
Li pirtûka:
Dîwanî Mewlewî
Berhema:
Mewlewî (1806-1882)
1 Xulek
672 Dîtin
xamey serawêz ne çay syayî
meřêzo esrîn şekway cyayî
namey sed şikenc we hem pêç werden
çun min ser ta paş şiksitey derden
dewat dûy syaş ce dem mexêzo
name sya xak we ser meřêzo
dewat dûy derûn gêc dan we hemda
lîqe wêş kêşan we lîtey xemda
xame şeq werden dem mekerdewe
zar zar menało we dem derdewe
mewat hey awat wastekey cestem
hey momyayî pêşey şikestem
kam zam bî ce to min newîm nesîb
cefa her we min, wefa pey řeqîb
zaman tawnan hûnawan coco
derd we banî derd ye ce dûrî to
biřyan tay řubab qafye xwanîm
nemenden taqet ’îbaret zanîm
demey henasey germî tarekem
nekûrey derûn piř ce xarekem
ayr dan ḧucrey diłey piř derdim
soçnan kitaw mecmû’ey ferdim