pêşekîy mamosta hejar

komełêk le şê’rekanî mamosta mela ẍefûrî mehabadîm berçaw kewt ke hênabûy min le barey çonyetîy terz û manawe bîruřay xom derbiřem.

řenge eger pêy hełbiłêm xwêndewaran layan wabê řûbînîm be xerc dawe, eger wa bîr bikenewe, lêm řûne zor bê însafin.

mela ẍefûr honerêkî be huner û dest řengîne, eger małî dunyay nebuwe - pêşim wa nîye qed bîbê - małim heqe le şa’îrî û demparawî, çendî dił ḧez ka řengîne, le terazûy hełsenganî wêjewanî, ta bêjî qurs û sengîne, ḧewce nîye danedaney şê’rekanî şî kemewe û xwêneranî şareza kem. her kesê be wirdî û zanayî weyan xwênê û başyan serewder lê derka, dezanê min be dił dełêm û řast dekem ke mela ẍefûr êstake estêrêke le asmanî kurdewarî û le lay min tîşk dawêjê û hêndêk layan waye kwêre. le xwam dewê em şa’îre bê çaweman hîç nebê hêndey dest kewê şê’rekanî xoy pê çap kat ke le behrey bêbeş nebîn.