beharî kurdistan
Li pirtûka:
Diyarî Mehabad
Berhema:
Mela Xefûr Debaxî (1927-1990)
2 Xulek
1138 Dîtin
beheşte xakî kurdistan û seyranî beharanî
nimûney kewser û awî ḧeyate çeşmesaranî
çya û deştî řengîne, guł û swêsne û řyaḧîne
serapa sewzełan şîne şêwerd û şyaranî
ḧeyatî cismî bê cane, hewayî bax û baxatî
nîşatî řuḧî însane fezayî mêrẍuzaranî
şefayî xatrî bîmare qûtî ’aşiqî zare
çirîkey bulbul û awazî qumrî ser çinaranî
leser dił jengî matem ladeba řuxsarî gułzarî
be çawpêkewtinî, sed dił debête mat û ḧeyranî
şefabexşî diłî ’uşşaqe bayî subḧidem wextê
’ebîrî boy gułan dênê le ser lûtkey nizaranî
beyanî dê cirîwey mel, xuřey befrawekey serkel
legeł qaspey kew têkeł, le dem řijd û pesaranî
ke teşrîfî şerîfî hat nesîmî bayî newrozî
gułałan ser weder dênin le lêwî coybaranî
depoşê serwî bustanî keway etłes lebo cwanî
şikofey derdeka lenoy çiłûk û şaxsaranî
tewawî deşt û der yekser debête etłesî exzer
be girmey hewr û sozey bay şemał û řêjnebaranî
ẍezel xwênin hemû, des pêdeken bałdarî ser darî
zewî pakî dexemłê dêtewe ser doxî caranî
ke mangî banemeř dahat çi xoşe dîmenî kwêstan
seraser xêwet û řeşmał û xêłe cêhewaranî
wekû serwî xeramanin ke poł poł dêne meřdoşîn
be lence û naz û ’îşwe şengebêrî çawxumaranî
neş’ebziwêne qaw û qîjî kesk û sûrî xêłatî
qirîwey zawwimak û kař û kûřî berx û karanî
le layek dawetî kîjane bezim û řezmî lawane
lelayek esp û řimbazî cilîtî şoře swaranî
lelayek tîpî zeḧmetkêşî xakî nîştimanî cwan
be hêzî şan û hoy bazû dekêłn dêmekaranî
legeł cûtî keł û ga dêne mezraye be diłxoşî
lebo kêłan û derhênanî mûçe û cêbeyaranî
xerîkî kesp û karin lawekanî nîştimanperwer
be řoj û şew sirewtyan bo nîye tîpî hejaranî
bekurtî hewłî pêşkewtin deden komeł be xas û ’am
xemim bo «ḧafizNasnava edebî»y miskîn, becêmawe le yaranî