supas bo mehabad
Li pirtûka:
Diyarî Mehabad
Berhema:
Mela Xefûr Debaxî (1927-1990)
3 Xulek
909 Dîtin
kangey şeřef û ẍîret û wîjdane mehabad
çawgey keřem û hîmmetî merdane mehabad
cêy ḧurmet û řêzgirtinî mîwane mehabad
bûjênerewey řût û hejarane mehabad
amadeyî xizmet be ẍerîbane mehabad
sabłaẍî le řêy pyawetya qet nîye tirsî
kamî leçere, bêtû le akarî bipirsî
wek ḧateme, ew kate xełk kewte metirsî
bo yarmetî damaw û teselkirdinî birsî
řazênerewey xwane, qedirzane mehabad
kê berhem û řencî lebeyn birduwe lafaw
kê małî hemû agirî tê berbû le nakaw
hawarî bigate gelî em şare be piřtaw
boy dê le cil û bergewe ta pare be lêşaw
řizgarî deka fewrî le tengane, mehabad
sabłaẍî setî dey le xemî bûn û nebûne
baqî dî şerîkî xemî damaw û zebûne
xełkêkî nyet pakin û bîryan hemû řûne
em şare le bo karî becê bote nimûne
tarîfî le naw xełkî wiłatane mehabad
lê bûrdin û řeḧim û bezeyî lêre ke bawe
mîrate le pêşînewe bem xełke biřawe
azayetî û ẍîret û hîmmet le xudawe
hestêke le pał mîlletî em şare nirawe
diłpakî û bêbakî le xoy cwane mehabad
diłyan piře sabłaẍî le îxlas û îradet
řûxoş û geşin, bê ẍerezin, dûr le ḧesadet
layengirî mizgewt û ewîndarî ’îbadet
dîndarî û ta’et çuwete ewpeřî ’adet
serçaweyî xwanasî û îmane mehabad
lem şare biřê karbedesin, xêwî me’aşin
bîstî le seda xawenî saman û qumaşin
daxim ke beşî zortirî des kurt û lepaşin
bo dest û dił û xizmetî xełkî hemû başin
erkêkî gelê qursî le ser şane mehabad
diłsozî berey laremil û bêdesełatin
yarîdederî xełkî řeş û řûtî wiłatin
ehlêkî beşerdost û be bexşîn û xełatin
lay giştî le meydanî keřem, şerme hełatin
çun merkezî des girtin û îḧsane mehabad
kemyan le xemî serwet û zorkirdinî małn
zorbey teşenî me’rîfet û kesbî kemałn
lagîrî heqin, dij be xeřafat û betałn
lêzan û be bîrin, le qełem da hemû qałn
laney gelî bîrřûn û bizozane mehabad
şarêkî çi xoş dîmen û cwan û be ḧeşîmet
lawanî çi xwên şîrîn û pîtoł û bilîmet
gencî hemû gencîneyî hêja û beqîmet
pîranî pitewbîrin û bo ême ẍenîmet
zanistigeyî pispor û edîbane mehabad
min lêre kesêkim ke dezanin hemû nawim
sî sałe lenaw mîlletî em şare jyawim
pîrim be řwałet; çil û no sałî tewawim
pêm waye le sayey serî dostanewe lawim
xoşî be gelî haweł û dostane mehabad