ałakem
Li pirtûka:
Paşmergey Qani’
Berhema:
Qani (1898-1965)
1 Xulek
885 Dîtin
ey ałay berzî sê řengî cwan
her şekawe bî ta axirzeman
to yadgarî selaḧeddînî
xwa komekit bê, çende şîrînî!
kurdan bebê to çeşnî esîr bûn
lenaw zîndana bendî zincîr bûn
lawî kurdistan hîmmetî nwan
ke toy hełkird û zincîrî şikan
kerîm xanî zend, baba’erdełan
fîdakarî ton be dił û be gyan
sûrît nîşaney şehîdanmane
sewzît nîşaney dexił û danmane
sipît nîşaney aştîy wiłate
řojit řûnakîy řêgey necate
genimit yanê hay kurde bizane
nanî xot menê destî bêgane
qełemit manay: ta řojî mirdin
têkoşin le řêy zanîn û xwêndin
îtir her bijî ałay kurdistan!
her payedar bî ta çerxî dewran