peymanî se’dabad
Li pirtûka:
Paşmergey Qani’
Berhema:
Qani (1898-1965)
2 Xulek
964 Dîtin
dujminan lem řojeda fîkirî çepełyan xiste kar
kewte xo koneperistî, bo qełaçoy kurdewar
řê biřane, kurdiqřane, kêw û kej xwênawîye
fîtne wek agir ebarê, bo gilanî şořeswar
çek le şan bû mîlletî kurd, boye dujmin kewte xo
kewte cirit û firit û peyman bestinêkî nalebar
şarî se’dabadî bedfeř bû be mołgey dujminan
kundebû, şimqařekwêr û kemtyarî lanzar
sê be sê ko bûnewe, wa encumen řazayewe
bo qiřanî mîlletî kurd mor kira ’ehd û qerar
pałepestoy meynete emřo be ser kurda gila
nîştimanî kurdî kirde cêgeřaw û karzar
’ehdî se’dabadî şûm û ḧukmî polîsî řizîw
mezbeḧey xwên řiştinî bo kurdistan hênaye kar
mîlletî kurd çendeha pîlanî way na gořewe
çawî natirsê le nêze û hay û hûtî bê şumar
enqere û taran û beẍda menbe’î zułim û sitem
quř be sertan, mîlletî kurde etanka yextesar
hêzî mîllet şořşêkî ḧeq řewa dênête řû
tołe wer’egrê le se’dabadî laney gurgehar
quř bipêwê dujminî sê qołî bo dwařojî xoy
text û taracî derênê, lawî kurdî hoşyar