berhemî nawxo
Li pirtûka:
Paşmergey Qani’
Berhema:
Qani (1898-1965)
2 Xulek
808 Dîtin
men’î biken kelupelî bêgane bo wiłat
ta pîşesazîy wiłatit behêz bêt û derkewê
bo berhemî wiłat û lebo def’î lazmat
hîwam be ’êlî hecîce, xerîk bêt û nesrewê
şarbederî wiłatî biken deskirdî ecnebî
takû tewjimî berhemî em xake serkewê
bo bergeket le qumaşî geberdîn û peşim ekey!?
çen xoşe serbeser ke hemû şałî berkewê
şanazîye ke cilubergeket le şał û caw
çun berhemî wiłatekete û bawî berkewê
teşcî’î pîşesazî neken małwêran ebin
bo zêřî em wiłate be destî teter kewê!?
goze û giłêne dirust ken le cyatî bilûrî xełk
be zebrî sin’etî nawxo şitî xełkî le der kewê
ba ew nîzame le goř nêyn lebo ẍeyre milkeçe
ta hêzî destî řenicber û sin’et be ser kewê
cêy îftîxare leber key feřencî le bergî meř
parey wiłateket le wiłata be geř kewê
boçî le ewrûpawe şitumek bigate lat?
destiřencî puxtî xakekeşt pişt çeper kewê!
koşkî wiłatî ecnebî le dizrawî řenictan
řazaweye, minałî etoş ba le der kewê
serçawe newteket, ke eger berhemî nekey
zor zeḧmete ke çawit be xêr û be feř kewê
newtit heye û wiłatit be tarîkî mayewe
kurd çaweřwane ke řojî le ser kel beder kewê