le bînînî ałada
Li pirtûka:
Paşmergey Qani’
Berhema:
Qani (1898-1965)
2 Xulek
788 Dîtin
sed şukur wa min nemirdim ta ke dîm ałay kurd
kewte ber çawim be berzî, sûřet û sîmay kurd
baz bû, dûrabû dîdey nergisî şehlay kurd
mijde bê emřoke berbû çawî piř bînay kurd
her bijî ałay kurd û pêşeway zanay kurd
bang kene eřwaḧî pakî erdełanî neřřeşêr
ya biłên: kawe le kwêy? řojê hezar yadit bexêr
bênne berçawî xotan hełmetî zendî dilêr
her biłên em şê’re, ehlî kohsar û germesêr
her bijî ałay kurd û pêşeway zanay kurd
çen zemanêke esîr û jêrçepokey ’alemin
serkiz û bê qîmetî berçawî zadey ademin
dîlî zîndanî nezanîn, mestî badey matemin
bang kene yektir hemûtan çunke emřo bê xemin
her bijî ałay kurd û pêşeway zanay kurd
pûşî wişkî deştekanim bo nebê emřo be guł!?
çawî bedgoy kurdisanim çon nebarênê be kuł
wa şikofey bextî kurdî bû be guł bo tacî çił
kurde! to dînit be carê her biłê emřo be dił
her bijî ałay kurd û pêşeway zanay kurd
qet le bîrit derneçê kurde, ziřey zincîrî pêt
to temaşa ke le des bêganekan çî hate řêt!
kwanê babî gořẍerîb û mamekey bê şwên û cêt?
kurde çun to diłbirînî, şil ke bo em şê’re gwêt:
her bijî ałay kurd û pêşeway zanay kurd
newbete, baraş lêke, aşî gêtî kewte geř
şêr netirsawe le bezim û şořşî meydanî şeř
gwê nedey hergîz be haşe û hûşeyî erbabî zeř
hełgire em desteşê’re û dabnê sed sewłî teř:
her bijî ałay kurd û pêşeway zanay kurd
sed şukur wa erzeřom û wan û bitlîs û çeçan
destî daye destî herkî, kurdî zaza û beban
şarî xerpût û cezîre û mentîqey berzanîyan
ba be beste û çepłe bêjin; dem bedem, şam û beyan:
her bijî ałay kurd û pêşeway zanay kurd
xaneqîn mijdey eda emřo be dyarbekir û herat:
pêçewaney dewrî pêşû řoj le şîmalo hełat
seyrî ke, tîşkî çilon řûnakî xiste ser wiłat!
em witare bîrî dił bê, çake bo řêgey necat:
her bijî ałay kurd û pêşeway zanay kurd