şînî nanewazade
Li pirtûka:
Sirwey Berbeyan
Berhema:
Qani (1898-1965)
2 Xulek
723 Dîtin
kurde! wa dîsan şîn û zarîme
zayełey çemer bêqerarîme
qaremanî kurd, zadey kurdistan
nanewazade, şêrî nîştiman
bo azadîy kurd, be mîhrebanî
gyanî şîrînî kird be qurbanî
her ew şerbete şêx se’îd noşî
duktur fu’adî xiste serxoşî
ke şêx qadrî narde naw mêjû
simkoy kird be kan wefa û abřû
emîş ew pyałe, ew mize, ew mey
ew bezim, ew bîsat, ew şadî û hey hey
her wa ew şerbet ałî gułnarî
kird be noş gyanî, bo fîdakarî
be sûk neřoyîşt lawçakî pesend
petroy zamanî «xoşewî» hełkend
le her dû çawî kurd û kurdistan
firmêsk ebarê ta axirzeman
bawcûd eme pêy nałên mirdin
le řêy azadî, gyanbazî kirdin
xwênî şehîdan boye nawesê
tuřřey azadîy hozî enûsê
weten! mujde bê, qurbanît zore
qaremananit eyken be nore
sed hezar lawan fîday naweket
hajey nesîmî serkiławeket
metirse, taze şika zincîrit
pêşeway mezin kewte tegbîrit
taze beser çû wirey îstî’mar
mujde bê ke wa hatîne řûy kar
bêmewe ser bas cwanemergekem
zûxawî derûn, kizey cergekem
katê teşrîfî bird bo lay yaran
bo serbestîy hoz, xoy kird be qurban
weten bo berwar sałî nemanî
newî le qełem, zor be asanî
be pîtî ebced hate giftugo
«azîza lawçak, şêrî şêran řoHisaba Ebcedê: 1365 koçî»