winbûn

hewr esûtê.. henisk eda.. şewîş direnge
tinokî baran.. gełařêzanî werzî giryanî..
daristanêkî dûrî bê řenge
tinokî baran wekû hezaran nermepence û dest..
le şûşey sardî pencerem eda û
ke ser heł’ebiřim.. be çořawgewe baran ebête xwênawêkî xestle řeşt û lul û çořawgey xwênî baranawewe.. eřwanme dûr
tarmayyek řuwew gořistaneke.. zor bexêrayî.. zû têdepeřêt
eynasmewe.. tarmayî teřî ber baranî şew..
bałay le ẍem û tema nuqmî şa’îrêke şêtcar car çexmaxe û hewrebruske
řêgey řoştinî řûn ekatewe
çexmaxe çira û taqetruskeaxo çî bika?! çî eka emşew?!
kê enête nêw dûtwêy gořewe?!
bo bêł û paçî nawete ser şan?! ey kwa mirdûyek?!
ey kwa tabûtêk?! ey kwanê xełkî be şepořewe?!
xoy gořhełkene.. xoşî mirduwe
her xoy pirseye.. xoy kost kewtuwebebê ewey kes bizanê boçî?! kes nazanê kes..
legeł naştinî termekey bawkya..
defterî şî’ryan xiste gořewe..
haje û hawaryan le tavge û çemî çirîkey biřî..
wek melî namo û zîndanîy qefesa ew şî’raney be merekebî diłî tuwawey honrabûnewe û
tancero û zełmayan be çawanî řişt
bo le dûtwêy goř yaxî nebûn û
pencereyekyan nexsiteserpişt?!her hengaw enê û
taw na tawêkîş dengê ebîstê be çirpe ełê:
xo to şeytan nît.. çon gořî bawkit heł’edeytewe?!
pencerey gunah..
bo leser jûrî befrînî gyanî xot ekeytewe?!