bo matemî «6»y eylûlî sałî «1930» witrawe
From the Book:
Dîwanî Şêx Nûrî
By:
Shekh Nouri Shekh Salih (1896-1958)
3 minutes
761 views
dûbare dił le daẍî weten piř le mîḧnete
lem menzerey felakete, lem derd û ḧesrete
ḧeqîye felek be carê serî xoy le xum binê
bigrî felek be şînewe bo em musîbete
ber qapî sera buwete deştî kerbela?
ya mezbeḧey girohî, weten xwahî ûmete?
mahî muḧeřřeme eme, şînî ḧuseyne ya
eylûle řojî şîwene, mahî felakete?
her ne’şî lawî kurdî sitemdîdeyî ẍeme
ẍełtanî xwêne, na’îlî řutbey şehadete
her newnîhalî kurde, bexwênawî ałewe
gewzanî xak û xwêne, şehîdî şeca’ete
her nałe nałî lawe, bedem gullewe ełê:
yařebîy key nîhayetî dê, em musîbete?
em baẍe bo becarê weha bû be gomî xwên?
bo menzerey letafetî bo bû bem qesawete?
emût gułê nîye, ke nesûtê diłî be kurd
řû zerd nebê, le menzereyî em feca’ete
em baẍe, em gułane, keçî her le neş’edan
nemzanî guł ke bê dił û ḧis û ḧemîyete
le’net le bergî sûrî gułałe û diłî řeşî
çon maw boçî hełnewerî bem felakete
qewmî necîbî samPerson, eme bê ’edlî ewelî
axo nîhayetî çi bê, em lutif û řeḧmete?
ey «’isbة alamimArabic» wesîy eqwamî řûy zemîn
bê dengîy lem mezałîme, şêwey muruwete?
wek darî lîjne, meyt û cenazey şehîdî kurd
lem baẍe kewtuwe, eme řesmî ’edalete?
lem ’esreda, ke ’esrey tereqî û tekamule
em ser biřîn û kuştine, şertî ḧîmayete?
bo ke’be keç ebê, ke kesê nawî ḧeq berê?
ḧeq go le berçî, qîsmetî her dar û le’nete?
ey komełî şehîdî weten, xwên řijawekan
tîzkarî nawî êwe, le cêy ferz û sûnete
wa tê megen, ke řengî kifnitan eçêtewe
řengî řijawî êwe, binaẍey ḧemîyete
naçêtewe be lêzmey lafawî zułim û zor
řengêkî sabîte, eserêkî celadete
eşrafî kurde, destî le qifłî kelepçeda
ḧepis û zelîle, mezherî zilil û ḧeqarete
em řenge, xwênî mêşkî pijawî syaweşe
bergî gułî bîsatî, zemînî ḧemîyete
tabûtekanî êweye, beşanî kurdewe
î’lan eka netîce, ke berzî û se’adete
eylûl û řojî şûmî şeşî taku nefxî sûr
řojî ’eza û matemî êwey wesîyete
em řoje, řojî şîwen û giryane ta ebed
em řoje, řojî matem û řojî ’yadete
em řoje, em mezałîme, ta řojî řestixêz
ser lewḧey seḧayfî te’rîxî ûmete
ahî şehîdî weten, xwên řijawekan
te’rîxîye û egate xwa, em henasete