întîbah
From the Book:
Dîwanî Şêx Nûrî
By:
Shekh Nouri Shekh Salih (1896-1958)
3 minutes
522 views
dilaweran:
ewladî weten ême kewa mîlletî kurdîn
bo ẍayeyî asayşî mîllet hemû gurdîn
şêrane ewa me’reke arayî weẍa bûyn
bo řiştinî xwênawî ’edû ḧazrî řa bûyn
le pêşmanewe herwa, beydaxî zefer eřwa
řîşeyî ’edû ba derbênîn, ḧeq be destî xoman bistênîn
bo nemanî mezalîm, swaranî cengî
tepłî bazyan lêda be şox û şengî
bawik:
lem wez’e ger ey duşminî kurd êwe epirsin
em hemhemeye mîllete hełsawe bitirsin
kifin bo xotan bibiřn, her le êstawe bimirin
lazme leber ẍem û ḧesret, bibin eşk řêjî mezellet
ey dilaweranî weten, werne îmdad
bawik be peroş lêtan eka îstîmdad
kurdanî ẍezenfer şikenî me’reke aẍûş
nabê biken em bawkî xotane feramuş
zêra ke dû çawî ebedîy ême le gořa
çawî zefertane le ḧerb û şeř û şořa
bawik be qurbantan bê, řoḧekey fîdatan bê
wextî firset û îtîfaqe, řojî labirdinî nîfaqe
arezû ekem êwe, weqtî îḧtîzar
beşan û zeferewe, bimben bo mezar
dayk:
bo def’î mezalîm le mewanî’ meke perhêz
sa des bere şîr û tifeng û xencerî xunrêz
bo êwe kewa ẍîrete, yekdef’e řeg û êsk
ḧaşa ke be ḧuznêkî zelîlanewe firmêsk
le çawim bêt û bitkê diłim yek zeřře bişkê
çunke êwe cesûr ebînim, namênê azarî birînim
şîrekem ḧełałtan bê, řojî hîmete
řoḧekem fîdatan bê, weqtî ẍîrete
minałekan:
necmey emelî ême hemû bem des û birde
xełqîne le bo mes’edetî mîlletî kurde
mewtê ke ḧeyatî wetenêkî le dwa bê
sed jînî zelîlaneyî yařeb befîda bê
ew kesane cebanin, me’nay jyan nazanin
mirdinê le řêgay mîlleta, çaktire le jîn le zîlleta
herkesê xoy bika be qurbanî mîllet
le qebra heta meḧşer, nakêşê zîllet
afret bemnałewe:
yaran û řefîqan û dilêr û yelî kurdan
weqtê ke be tewfîq û zefer dênewe laman
ewsa guł ekeyn ême be şabaşî qidûmtan
ger le êwe çend kes şehîd bê,
lazme ’ezay ême ’îd bê
em piłing beçaney wa întîqam sênin
gewreyan ekeyn ême, ḧeqtan esênin
kiçekan:
ême ke neman kirduwe bonî çemenî şû
mechûlî nezermane guł û nesterenî şû
em taze cwanane leber sîretî ême
ger bêtu biken arezûy şîrketî ême
lazme ke de’wet bifermûn, bênewe be řûyekî gułgûn
ye’nî çîhre řengîn bin beşan û zefer
xwênî dujmin biřjênin benûkî xencer
çek bedestekan:
ême ke muselleḧ le der û deşt û le şarîn
swênxorî ḧuzûrî ḧeq û bab û kes û karîn
bo mes’edetî em weten û mîlletî kurde
řîşe û řegî załim bibřîn bem des û birde
takey le zeḧmeta bîn, lenaw mezelleta bîn
lazme bekeyf û meseřřet, řoḧ bikeyn bequrbanî mîllet
zaten ême xułqawîn bo xizmet kirdin
bo ewey fîdakar bîn ta řojî mirdin