nobetî se’îye, zemanî ’eyş û xoşî û şadîye
From the Book:
Dîwanî Şêx Nûrî
By:
Shekh Nouri Shekh Salih (1896-1958)
2 minutes
715 views
nobetî se’îye, zemanî ’eyş û xoşî û şadîye
cejnî îstîqlale, řojî xuřemî û azadîye
qewmî bê îdrak û bê ḧis, bê beş û bê qismete
têbfikire mîlletî ẍeyîwre, saḧîb ’îzete
emřo řojî se’î û têkoşîne, weqtî ẍîrete
yek nefes ẍafił mebin, hełsin biragel firsete
bo te’alî ced û cehdê ken, zemanî ẍîrete
řojî serbestî, zemanî ’eyş û noş û ’uşrete
ey cwananî weten, řojî tereqî mîllete
qewmî kurd, îtir necatî bû ledes em zîllete
herçî baş û çake bîkey, weqtî serfî hîmete
heç kesê koşiş neka, řastit ewê bê mirwete
weqtî têkoşîne, řojî îstîqamet, ’îfete
meqsedî kurd her tereqî dînî îslamîyete
sa dexîltan bim, zemanî îtîḧad û ulfete
emřo řojêkî biłind û gewre û zî qîmete
yar û yawerman bebê şik řoḧî pakî ḧezrete
řojî azadî hemû kurdane, cejne, şadîye
cejnî îstîqlale, emca nobetî azadîye
murşîdan, ey ew xelîfaney terîqet da’eden
ey mela îtir leser fîkirî ’etalet derbiken
ger sewabî řojî ḧeşirit lazme bê derdî ten
bêtewe piř ’eyş û piř şewq û meseřřet, şox û şen
bo te’alî qewmî xotan hîmet û ẍîret biken
besyetî ey şa’îran te’rîfî xet, çahî zeqen
besyetî me’mûr, îtir basî me’aşim bo meken
bo weten bo dîn û mîllet, bên nesîḧet dabden
bo tereqî mîllet, êwe ba biken serfî beden
sed şukir laçû le awêney diła, řengî mîḧnen
besyetî derdî nîfaq û şořş û buẍiz û fîten
’eybe ba bibřêtewe kîbir û ḧesadet «ma»û «min»
êwe nazanin hemû ewladî em şax û deren
ey cwanan, ey xîredmendanî saḧêb ’îlim û fen
ey ’ezîzan, ey necîbanî cigergoşey weten
řojî se’î û ẍîrete, hengamî keyf û şadîye
cejnî îstîqlale, emca nobetî azadîye