«14»y temmûzî 1958
From the Book:
Dîwanî Şêx Nûrî
By:
Shekh Nouri Shekh Salih (1896-1958)
3 minutes
571 views
îmřo ke çwardeye le temmuz ceyşî bê eman
azane hate kayewe wek kêwî piř le gyan
desyan becarê daye des yektir hemû
ceyş û şe’b meramî be merdane xiste řû
wek «dicle» ceyş behêzî gelî bê ḧîsabewe
bûne şepol û çûne serapay řeḧabewe
şêrane ceyşî daẍ ledił û şe’bî qareman
kewtûne xwênřijandinî mîllet firoşekan
wextê ke pê ezanê segî harî laşe xor
dête derê le demîyewe kufir û cinêwî zor
wayzanî kes nîye be nezer kîbryayewe
bo daçłekandinî diłî ew bête kayewe
neyzanî axrî nefesî zułim û zorîye
çwardey temmuz kujandinewey tîşkî xorîye
çî tyabû koşkî gewre, be şa û îşguzarewe
kujran, le paş ewe ke xeber kewte şarewe
’alem řijaye qesrewe, naw jûr û naw telar
laşey gemałe gewrekeyan xiste naw hezar
herwek segêkî bogenî topîw le řê guzar
kennasekan ke eybene dûrî kenarî şar
wa pet xirawete qule pêy řa’ekêşrê
emrî şe’b wehaye ke nabê binêjrê
laşey kira be darî sizada be pêkenîn
’ebdul’îlahî zoł û welî ’ehdî na’emîn
kujraw parçeparçe kira dest û pê û leşî
xwênxiwar û bê şeref emeye axrî beşî
nûrî se’îd be berg û ’ebayî jinanewe
kujraw dest û pê û milî lêk cyakiranewe
ew çałî qûłî ḧîlfe ke bo kurdî heł’eken
xoy kewte nawî bê ser û pê, bê leş û beden
î’lanî ḧukmî taze be cimhurîyet kira
kurd û ’ereb şerîke beşin herwekû bira
nêrraye şwên ’edaletî meḧkûmî des beser
hênrayewe xiraye serî, efserî zefer
ew ’edlî derkirawe le dûrî wiłatewe
çwardey temmuz bexoşî û serbestî hatewe
wîcdan û ḧeqperistî le menfa geřanewe
teslîmî destî ḧakmî ’adîl kiranewe
ew komełey ’edaletî xistibuwe bendewe
gîran û dest û pê be kelepçe û kemendewe
zîndane qûłekey gelî tyabû bedaxewe
cêgey ewane êste be of û be axewe
kwê arezû ekey biço serbest û diłnya
casûs û tirsî girtin û lêdan û şeq nema
emca binû bebê xem û bê tirs û bê xeyał
îtir nema jyanî zelîlane, jînî tał
xoş mujde bê minîş ta mawe řoḧekem le leşa
em du’aye bo «’ebdulkerîm qasimPerson»y bawkî hejar ekem
řebî bijî be sûdewe bo xakî nîştiman
bo tołe sendinî gelî mezłûm û natewan