ey şemał
From the Book:
Dîwanî Zêwer
By:
Zewar (1875-1948)
2 minutes
2287 views
ey şemał! ey şemałî şaxî şîmal!
ey fîday cîlwe û şinet ser û mał
ḧurmet û ḧesretî minî bedḧał
bigeyêne be şaxî baxî mîsal
carê îfayî řesmî te’zîm ke
boseyî latenahî teqdîm ke
***
çunke ew şaxe zewqî mîllîyet
’eşq û sewda û xeyałî ḧuřřîyet
tya dejî fîkirî berzî kurdîyet
le beheşt zyatre bequdsîyet
çunke ew şaxe berze gułgûne
me’denî řoḧe şaxî ałtûne
***
turk ełê: qebrî kurde ew şaxe
bam biłê, çunke batînen baxe
baxî merdanî çust û gustaxe
cêy wetenperwerî cigerdaxe
turkekan neş’eyan der’aẍoş kird
boçî te’rîxyan feramoş kird
***
her fîda’î le înqîlaba çû
pêy mełê mirduwe biłê zîndû
çunke bê şubhe mûdetêkî zû
şêrî meydan le neslî peydabû
qareman û dilaweranî pesîn
weten îḧya eken be’ezmî metîn
***
gił û berd û dirextî xun alûd
mîlletêkî cesîm exate wicûd
nasîrî kurde ḧezretî me’bûd
kurdî mezłûmî destî turkî ’enûd
mał û mindałî kurdî bê çare
bam perêşan kirên û aware
***
ey şemał! pêy biłê: le be’dî selam
beriztirî to le ’erş û kursî le lam
qabîlî toye ḧurmet û îkiram
nûrî to nûrî mang û řoje temam
me’menî xasî qewmî kurdanî
ebedî menzîlî şehîdanî
***
ufuqit erxewanîye ke behar
řengî sûrit şefeq eka îzhar
în’îkasî tesadumî enwar
tacî qews û qezeḧ eka be nîsar
lalezarit ke sûr û řengîne
’eksî xwênî şehîdî řêy dîne
***
ew meqame, meqamî, lahûte
surmeyî çawî qewmî mebhûte
cêy zyaratî ehlî nasûte
ew giłe bo ḧeyatî dił qûte
kurd neřencê le xwênî řêjrawî
nexşî ser řoḧe berdî xwênawî
***
qewmî saḧêb metanet û be sebat
çunke bê qedre lay heway ḧeyat
ḧurmet û ẍîretî eka îsbat
baqîye ’ezmî takû řojî memat
’aqîbet şaxî berzî kurdistan
’elemî kurdî tya eka cewlan