pêncixiştekî xencerî kuřî qani’ leser şî’rî bawkî
From the Book:
Deştî Germyan
By:
Qani (1898-1965)
2 minutes
837 views
ey weten hênde peşêwim fikirî dił, dił der eka
dił be carê tif le dûsed xezne û dulber eka
cogeley zûxawî cergim wa le çawim ser eka
ey weten!! derdit le diłma zamî sed xencer eka
bo birînî cergî let let êşî sed neşter eka
seyrî baẍ û lalezarî piř guł û piř nî’metit
seyrî tavgey awî sardî gułşenî piř serwetit
bê temaşay daristanî piř beha û şewketit
çon be qurbanit nebim bo menzerey piř qîmetit
diřk û dałit tif le lale û sosen û ’enber eka
mêrgenexşînit bijî bo ałfî çîn çînekey
her bijî qendîlLocation û ako û lûtkeyî befrînekî
herdû kwêstanit bijî bo sosene řengînekey
germyant dek nenałê bo hewa şîrînekey
qametî gewrekçanit gep be neyşekker eka!
key qełem hêzî heye basî bika yataxeket?
key zwan nutqî heye bo xakî wek şêrdaxeket
řoḧî ême bulbule bo nergis û gułbaxeket
dûşetan û qełbezey befrawî şax û daxeket
bê diro wełła le awî zemzem û kewser eka!
hênde mestim ey weten!! ferqî nîye bezim û xeter
dête pêş çawim wekû yek coşî hełpeřkê û çemer
nawmewê bimken be şah û biçme řutbey tacwer
ey weten!! xakit be corê destikewê bo tacî ser
taze kê meyl û xeyałî tac ya efser eka?
ey weten wełła û bîlla ẍûlî kêwî toy firoşt
herzeyî û exlaqî pestî cinin û dêwî toy firoşt
bê ser û bê xawen û bê mał û xêwî toy firoşt
ey weten!! daxî giranim dêłe řêwî toy firoşt
dîqqetî řîşî edey ’eynen le cadûger eka!!