serdar sipay bê wefa û meylan
From the Book:
Dîwanî Eḧmed Begî Komasî
By:
Ahmad Bey of Komasi (1795-1877)
2 minutes
649 views
serdar sipay bê wefa û meylan!
salar giroy dił ceqîn keylan
pey çêş, pey řeqîb cemin û yerdî?
terk dûstî sedsałe kerdî
nawerdit weçem cefay sed sałem
nekerdit weyad dewrekey tałem
min kêşam cefay bê saman to
ew pêka pence wedaman to
min wêney bołboł nałam û dem derd
ew çon baẍeban xonçey wesiłit berd
min xar dûrîm wedîde berden
ew temaşay guł cemałit kerden
min bîm we mecnûnPerson bîdî long wekuł
ew bî nerdegay lutif to meqbûł
min ferhadPersonasa kokenîm kerden
ew badey nêgay şîrînit werden
min bîm awarey koy ’êş wew nazit
ew bî we meḧrem řaz û nyazit
min bê behre bîm cenîgay xałit
ew bî weham ferd bezim cemałit
min wêm wesen’an tom we tersa kerd
kifir û mobetim û meclês awerd
yend sizam kêşa peneş nezanay
dersê û mobet diłim newanay
dey tir meḧałen diłdarît kerûn
şerit bo şikayt welay ḧeq berûn
bełkim xudawend kero dîwanim
çenet bisano sizay zamanim
bełkim êntêqam bisano çenît
qezaw bełay sext bwaro perêt
toyç be wêney min gîrude dam bî
mobtelay fêraq dos nakam bî
serapa hunîn dûrî yaran bî
noqtey dayîrey derdedaran bî