cefay tom werden

From the Book:
Dîwanî Eḧmed Begî Komasî
By:
Ahmad Bey of Komasi (1795-1877)
 1 minutes  815 views
cefay tom werden, cefay tom werden
arîz min yend cewr cefay tom werden
ne’şim hane ḧał ẍeřẍeřey merden
ha, yawa we’dey gyan teslîm kerden
îne gird ce dax cewr cefay to
hîç nedîm û çem satê sefay to
bew xwa qesem waḧd ferden
ḧis toş wey tewr û cûr awerden
kize û qirçey cerg boy kewaw dił
girpey giřey nar derûn pir çił
ew kiziş kerden xelayq esem
êd saray wêsał poşnan wetem
xewfim her’îden min ce merdenim
be weqit teslîm gyan siperdenim
beyanim weser nekîr û monker
bwaçan kêten xoda û pêẍember
çêş bidew cwab, ewko berû dad
new serwexteda, hertom haweyad
azîz! ye sizay êstêẍnay wesiłit
ye cewr ẍorbet ye cefay fesiłit
yedûd sîney tewen tawmen
yedîdey peřnim شەۆ bê xawmen
xo newît řazî be wesił yaran
pêm awird derdî ẍerîbî şaran
barê cey ẍorbet nekerdat weyad
êse, xo ha, wełg ’omirim şî webad