gorewî

le derewe
sermay kanûn
demî «ba»y le go xistuwe.
le jûrewe
xoy be tenya danîştuwe.
lałupał wek berx û kawiř
mindał nûstûn.
mêrdîş ewe çend sałêke
ziryanêke û
şwên ’eşqî çya kewtuwe.
xoy be tenya danîştuwe
ełêy şořebîy payîze û
serî bo koş daxsituwe.
her eçnêt û eçnê
řaspardey
gorewîye pûzewanekey
nîweşewê tewaw ebê
dax! nazanê, ax! nazanê
katê gorewî egatê
ew her takî çepî ewê!.