bo lawan

ey lawanî gişt dinya!
helsînkî,
baxçey zemeqî sipî,
ke le germey hawînya
naskîy behar dyare,
emcare
cêgay mîhrecantane!wek dirêjî û řûnakîy
şebeqî,
mêşkitan piře le bîr,
wêney gułî zemeqî
diłtan piře le pakî,
pakîy řengî sipîy şîr...ey lawan!
kiçan, kuřanî řûy erz!
ba goranîtan asman
keř kat be şepolî berz!
be sed zimanî cya cya,
wekû hewr bigirmênin
yekyetîy lawanî dinya
be hemû kes binwênin!
ba ewaney le şeřa,
ta xełk bimrê, goşt egirin,
bizanin,
çek hełnagrê le bira
hîç lawê!
hîç lawê şeřî nawê!ey lawan!
her êwen:
beharî jînî însan,
her êwen:
aẍay sibeynêy jyan!
aẍay «emřo - dagîrker»
ebê zor baş bizanê,
natwanê:
bo şeř êwe bate ber!
bira, bira nakujê,
xwênî dayk namjê
- xoşewîstîy xoy tyabê -
heta dinya dinya bê!diřindey şeř leşî jîn,
be birîn,
wa şiř ekat, sibeynê,
kasey şikawtan, hengiwîn,
tik le binya nemênê!ey lawan!
mîhrecan,
wêney hawjyanîye;
her katêkî jyanî
’umrêk xoşî û cwanîye!xuşkan û birayanî
dinyay zor nizîk, zor dûr,
hêzî aştî û birayî
yekî xistûn le bakûr
wek çepke gułî şayî,
sipî û řeş û zerd û sûr,
têkeł bûn...
be řoj, be şew ta enûn
bestetan wa le dema,
yarî eken û sema...
bê koł dan, bê mandûbûn,
le aştîy cîhan edûn!ey lawan!
miştî wek połay řiqtan
řast kenewe lewaney
tem exene şebeqtan,
nayanewê ke sibey
seranserî jyantan:
her cejin û mîhrecan bê!
wek fînlende cîhantan
şewî leser beyan bê!
têyan xuřn - lewane -
şêrane!
ba ew çekey pêyane,
fiřêy dene bin derya,
ta dinya
daxekey hêroşîma
sařêj bibê le diłya!
ta însan,
le sêberî aştîya,
destî biçête firman,
limî deşt, berdî çya,
piřkat le guł û le nan!ey lawan!
ewsa çwarwerzey jyan,
bo gelan
gişt, cejin ebê û mîhrecan!