moskoy cwan
From the Book:
Le Kořî Xebata
By:
Goran (1904-1962)
2 minutes
1543 views
ey mosko! ey jinî cwanî sipî poş!
nawdemî ał piř le goranîy xoş xoş!
be awazey «orkistira»t wa mestim,
her şepolî şî’re û eda le hestim!
le hengiwînî efsaney dansî «balê»t,
be herdû çing exom wêney birsîy şêt!
lerey dengî «opêra»ket ke tik tik,
le naw gwêwe neşter eda le guriçk,
xunçey teřî çîrokî bestekanî
bom epşikiwêt wek gułî berbeyanî!
ey moskoy cwan, gewre kiçî uktober!
ḧewt estêrey yaqût ke dawtin le ser,
le naw zîwî tema geş ecrîwênin,
hezar zuhrey asmanî şîn ehênin!
«metro»t ełêy nwênegay nîgare,
«meydanî sûr» cêy hezaran hezare!
taqe gułî sûrî ciqey danişgat,
’etrî şepol eda wiłat be wiłat!
řoj lenîne û leser serit westawe,
řêgat řûnak wek befrî ber hetawe!
minałekey řûmet ałî têrşîrit
gułî parkî «gorkî» dênête bîrit,
boye kotrî sipî û nermî baweşt
mil heł’eswê, bê sił le germîy leşt!
le naw befrî berpêta waq wiřmawim,
le kam cwanît nazanim, bidrûm çawim?!
***
ey mosko! ey jinî cwanî sipî poş
herwek: memêk zînêk naka feramoş
heta emrê, minîş, heta hetaye
diłgîrîy tom hergîz le dił dernaye!
be şew çemî gewherbendî piştênit
lêm ebête awêney bałanwênit,
le naw awa moskoyekî nazdartir,
lencey dansî gyan piř eka le agir!
cadey şoraw birîqey dê wek bilûr,
tya elerzê «wêne»y giřî sewz û sûr,
taksîm ekşê be şeqamî bêgerda
be ser ’eksî wenewşeyî, yan zerda
em řengane û ew pirşingey awaze
eyda le řûy pencerey koşkî taze,
bê hest emken be zaway berdemî bûk,
dem bu maçit ebem moskoy êsk sûk!