şitnewe û nawçewanim

eyşiwatewe, çořawgey serbanî lêjî sałekanim
-dîwarî jûrî quřînîy
bêgwêswaney kirêçêtîm eşwatewe
eyşiwatewe, awî mirdûşorî kuław:
taqî pêşwazîy zîndokan, eşwatewe.
diruşme ber’awejokan, eşwatewe.
«em serdeme, germawêke:
pakekan, pîs ekatewe û pîsekan, pak ekatewe»
emgiłofin, leser sekoy konkirêtî supageyekî dersîmLocationa
emgiłofin, emgiłofin
hełm exen be tenafî řakêşrawî
ser asmanêkî kunbûda, le sabłaxLocationa
hełm exen
«fiřokekan
fiřoke - dengibezênekan -
fiřoke çaw qutderekan
asmanî řastîyan kun kird
- ta xway lê kewte xwarewe -.»le dersîma, emgiłofin
le sabłaxa, hełm exen.
«le teştî em sedeyeda
sipîřeng, řeng edatewe!»
nawçewanim kêłgeyeke
gasnekanî serdemî «napałim»e, kêławêtî
xwên towêke, tya eçênrê.
deẍił sûre, dasî birsîm
gerûyeke dirwêney birsêtîy ekat.
xerman sûre
şen çingêke, bê nînoke, dax kirawe û
zamekanim be ba ekat.
cenceřî şew, řojekanî nawçewanim
gêre ekat.
nawçewanim – lakêşêke -
lenaw – bazney - zemînî gêj û wiřa
dêt û eçê!
nawçewanim, beřeyeke:
leber pêy postałekana řaxrawe.
nawçewanim, pencerekey danexrawe
dizekan pya dêne jûrê!
xetekanî nawçewanim, řêy asnîy qîtarêke
êstigey ḧesanewey nîye!
nawçewanim, nawçewanim nwênêke
şikawîşe û dagîrsawe!