hamseran taren
From the Book:
Dîwanî Welî Dêwane
By:
Wali Dewane (1826-1881)
1 minutes
545 views
hamseran taren, hamseran taren
îmsał bînayîm tarîk û taren
zewq zîndigîm çun jar maren
dinya ce dîde «wadî alqeharArabic» en
gişt ’ałem ne weqit fesił new wehar
şad mebo we zewq gułan û gułzar
min îmsal wehar şadîm naşad bê
perêşan ce gişt řencim we bad bê
bułbuł şad we guł min řenceřo bîm
řenceřo ce zewq wehar no bîm
îmsał newwehar fêşter ce sałan
řazanş řewneq řeng gułałan
herdan, hełetan, saran, hewaran
xeyme gułpoşan xastir ne caran
min her gułzar ne dîdem xar bê
her sewze wenem we jar mar bê
her çemen sewday cwanîm ca kero
her lale sewday derûn dax kero
her şikofey şewq şêwey «şemPerson» pêş bo
dyam we pêşda xatirim řêş bê
weharê wey tewr xo ce lam dûr bê
çeman ne dîdem nêş zenbûr bê
ay xozge we sał newwehar par
her řo sub seḧer medyam bałay yar
wehar îmsał peşêw cestenan
dûr ce dinya û dîn ane xestenan