wexał towen
From the Book:
Dîwanî Welî Dêwane
By:
Wali Dewane (1826-1881)
1 minutes
919 views
we xał towen, we xał towen
nûr liqay ḧeq we xał towen
şołey şem we şewq cemał towen
derdînan we dax kemał towen
leylê kenîzek şîrîn bendeten
sed «ziłêxaPerson»y «mîsirLocation» we zeř sendeten
«humeyla»y zerîf bełqîsay bałdar
gułşay guł’endam «’uzra»y guł’uzar
yekayek ḧeyran bejin bałaten
bałay newnemam sewł ałaten
dił aram dił semen boy perî
«menîje»y bîjen, zuhre û muşterî
xeraman ḧeyran ḧusin zêbaten
banwan temam gişt can fîdaten
ḧûran cennet firîştan ferş
senaxwanten ce zemîn ta ’erş
guł ce gułistan we dax towin
daxdaran we dax demax towin
her çend perwanan hen ce seḧra û ko
gişt maten ce şewq şem destûr to
min çun perwanan her can fîday tom
ḧeyran cemîn bezim aray tom
we sergerdit bam şay sipî şeman
sergerdan tom dûr ce hamdeman
beşq xał wêt xatir şadim ker
ya řuxset ya merg ya azadim ker
îse bo çenîm ladê sazabe
cey gişt ’ezabe gerdin azabe