mam řêwî legeł yek dû hamferdê
şitêkit ke lê zewt kirawe mełê hî mine
From the Book:
Dîwanî Zarî
By:
Zari (1905-1982)
2 minutes
378 views
mam řêwî legeł yek dû hamferdê
le nûçkey kêwê çubuwe ser berdê
eyut ha ew dê eger dyare
ew ’emarete û burc û ḧesare
ew baẍ û dare ew bêşe û çome
mułkî ḧełałî xalîsî xome
qebałey şeşdang tewawî wa pêm
hemû bizanin min aẍay ew dêm
řefêqan wityan ke waye qurban
bem serma sexte be çiley zistan
leser em pirde bo hełtûtawî
elerzî êjî tûłî naw awî
demê bin berdê satê bin darê
le hîç mekanê nîte qerarê
le birsa xo wa piştit şikawe
hêzî des û pa û azat nemawe
bo naçîte naw ew qesre xoşe
ew ’emarete piř ’eyş û noşe
hawseran le xo ko bikeytewe
jengî ẍem le dił xo bibeytewe
le qewm û bira piř bê derbarit
laqî fiřûc bê şam û neharit
be karî çî dê laf û gezafit
xot wêłî sara û zewt kirê mafit
ewa feřziman kird aẍay beheştî
fayîdey çîye ke wêłî deştî
witî hawdeman bezmî dîwanim
esasî xoşî dewrey jyanim
tanem lê meden ey mayey gyanim
emin derdî xom her xom eyzanim
le tirsî tacî û tułe meḧałe
řêgay dił bidem qet em xeyałe
le xofî ewan qet’en nawêrim
řû be awayî hengaw hełbêrim
be jeqnemût bê behrey mułkî wa
dujmin be pano bîcawê û bîxwa?
aẍa řût û qût bêzar le gyan wê
dagîrker xawen xele û xerman wê
eqłî em qise le pêşînane
nan her ew nane, emřo le xwane