behar emsał şêwey wa dyare
From the Book:
Dîwanî Zarî
By:
Zari (1905-1982)
1 minutes
608 views
behar emsał şêwey wa dyare
beheştî piř le fezlî kirdigare
le hewr ew qetre baraney ke detkê
be ’eynî neqdî kîsey kişt kare
birince, řone, qende, nane, pêxor
seraser tê bifkire «xwarubare»
xuda bo toye ḧemd û şukir û mînnet
ke lutifit zor û řeḧmet bê şimare
le tertîbî niqûş û sen’etî to
«erestûPerson» şêt û «manî» şermesare
le kanî qudretit te’im û meze û řeng
wer’egirin em guł û sêw û henare
be ẍeyrî to xuda kê bê bika řeḧim
bedem wişkanî em herd û dyare
be ẍeyrî to ebê kê bê biřêjê
le beḧrî cûdî napeyda kenare
be sarada be gułzara be baẍa
be ’am awî le dił derka pejare
be ẍeyrî to xuda kes natwanê
biřêjê řeḧmetî wa bem qerare
hemû memnûnî lutif û bexşişî ton
ewndey gelledar û cûtyare
ke erizit nermewe kird û çemen şîn
gya têraw û cengeł kamkare
le xoşîda le min gořawe «zarîPen name»
ke em fesłe beheşte ya behare