ey seba heste řake merdane
From the Book:
Dîwanî Zarî
By:
Zari (1905-1982)
2 minutes
472 views
bo seyd ’ebeşay dostî ke le sefaxane jin dênê û mamosta becê ehêłê be ’ezmî gwêzanewî jinekey û zor direng degeřêtewe. ca bem şê’rane daway geřanewey lê eka:
ey seba heste řake merdane
řamewêste heta sefaxane
zyaretî pîrî xizir le pêşa ke
řû bisawe le xakî asane
be edeb řabwêse gerdin keç
şerḧ de ḧałî ême jîrane
bêje ey pîrî pak û nûranî
ey penay aşna û bêgane
be pele hatûm le lutfî to
emewê hîmmetêkî merdane
bo xelas bûnî xatrî «zarîPen name»
le xefet, çun duçarî hîcrane
destigîrî û komekit bo key
be xuda, întihaye tengane
wa serî lê şêwawe, nazanê
kamye derd û kame dermane
wa le gêjawî mîḧneta ẍerqe
destî negrî xerîk xinkane
dayenim girtûy le batî ew
sa derî lem quřawe bêrane
çunke komek be ḧałî damawan
wesfî xasî cenabî şêrane
’ebeşa bo řewane nakeyto
ta bika fîkirî em perêşane
besye îtir gezînî le’il û sêw
besye guşînî ew henarane
besye ew seyrî baẍî fîrdewse
besyetî kaye bew şemamane
deste mil wa legeł dił arame
meḧwî xatrye em perêşane
paş em şerḧe bêrewe bo dê
bêje bew nûrî dîde û gyane
kake wesłî gułit mubarek bê
ta zemane xerîkî geřyane
bêrewe fîkirî karî «zarîPen name» ke
zare, bê tawî hatnotane