şînname bo «jyan»y cwanemerg
From the Book:
Berhemî Xawên
By:
Ali Aref Agha (1910-1996)
2 minutes
553 views
em şînnameye lelayen destexuşkanî «jyan ’ebdulřeḧman»y cwane mergewe leser gořekey xwêndirawetewe
jyanî nazdar jyanî şîrîn
ẍunçe cwanekey gułzarekey jîn
tazepşikutûy baẍekey awat
nemamî korpey gułşenî wiłat
boçî koçit kird hêştake zû bû
xo to diłşadît zor arezû bû
to legełmana eşnaytewe...
se’at be se’at egeşaytewe
kwa zerdexeney şîrîn û nerimit
kwa diłsozîyekey betîn û gerimit
kwa wirtey xoşt kwanê awazit?
kwanê amanc û řaz û nyazit?
dayane destit şerbetî ecel
xêra noşt kird wa be pelepel
xo to awatî daykî hejar bûy
mayey diłşadîy gişt kesukar bûy
şu’ley awêney mał û yane bûy
piřşingî xorî qutabxane bûy
bê xwaḧafîzî laman řoyştî
ta ser legełman têr danenîştî
le ême gyane bêzar bûy?
yan lem gerdûne diłbe’azar bûy
řoyştî daxt na be diłmana
firmêsk eřêjîn letek giryana
ey xakî pakî puxtey gořistan
mîwanî toye êstake «jyanPerson»
hatote lay to çak bîlawêne
leşî naskî hîç mejakêne
bîgre baweşt wek korpey şîrîn
azarî nedey ba nebê ẍemgîn
jyan xuşkanit wa hatûne lat
çend deske gułit pê eken xełat
hemû be diłî piř azarewe
çaw be firmêskî bêşumarewe
hestî ẍembarî xoyan der’ebiřn
be destî lerzîw çawyan esiřn