qumarçî û diz
From the Book:
Berhemî Xawên
By:
Ali Aref Agha (1910-1996)
1 minutes
846 views
qumarçî ferqî çon ekirê legeł diz
ke emyan çuste ewyan bêwte û kiz
qumarçî aşkiratir małî toy bird
be tirs û lerzewe mam diz dizîy kird
qumarçî cerdeye serwetfiřêne
binaxey jînî xêzan hełweşêne
qumarçî zortire curmî le pyawkuj
diruste ger nawî bibrê be xwênimj
qumarçî win eka hestî berayî
ke nada çawî bo çake berayî
qumarçî ger bidořênê ełê çiş
ke birdyewe wekû qel xoy eka fiş
qumarçî da’îmen sist û debenge
qisey bêpêze řewtî xwar û lenge
qumarçî mał û mindałî hejare
ke hawřazin be azar û pejare
leber qerzarîy hendê lew kesane
ebê řîswa lebo taneş nîşane
eken naçar qubûłî jînî zîllet
ekewne zemzemey gêjawî zeḧmet